Fanno1
Yavvanam Kaatesina Bewarse Username: Fanno1
Post Number: 8988 Registered: 03-2004 Posted From: 24.249.211.73
Rating: N/A Votes: 0 | Posted on Wednesday, August 10, 2016 - 6:05 pm: | |
నేరాలు,ఘోరాల్లో సూత్రధారి నయీముద్దీన్కు ఆత్మలాంటివాడు ఆయుధాలు, మనుషులపై అజమాయిషీ నల్లమల ప్రాంతంలో అతడే సర్వాధికారి వీడియోలు, ఫొటోలు శేషన్న అండర్లో ‘ఆత్మ’ కోసం పోలీసుల గాలింపు హైదరాబాద్, ఆగస్టు 10 (ఆంధ్రజ్యోతి): గ్యాంగ్స్టర్ నయీంకు ఆత్మ! నయీం చీకటి సామ్రాజ్యానికి సైన్యాధికారి! ఖాకీలు పెంచి పోషించిన మినీ డాన్! రెక్కీలు నిర్వహించడంలో ఎక్స్పర్ట్! కరడుగట్టిన శాడిస్టులనే భయపెట్టే వ్యక్తి! అతడే మన్ననూరు శేషయ్య అలియాస్ శేషన్న. ట్యాగ్లైన్ మాజీ నక్సలైట్. నయీం ఏ పని చేయాలన్నా ముందుగా శేషన్నే స్కెచ్ వేయాలి. నయీం నేర సామ్రాజ్య విస్తరణలో శేషన్నదే కీలక పాత్ర అని పోలీసు వర్గాలు చెబుతున్నాయి. నయీం పేరు చెబితేనే సామాన్యులనుంచి రాజకీయ నేతల వరకు అందరూ హడలిపోయేలా చేయడంలో సూత్రధారి ఇతనే. మనిషిని దూషించడం, కిరాతకంగా కొట్టడం, పాశవికంగా కాళ్లు, చేతులు తెగనరకడం, మనిషిని వెంటాడుతూ ఫోన్లద్వారా బెదిరించడంలో శేషన్న సిద్ధహస్తుడని చెబుతుంటారు. ‘నయీమ్తో మాట్లాడుకోవడమే మేలు’... అనిపించేలా శేషన్న వ్యవహారశైలి ఉంటుందనేది ప్రచారంలో ఉంది. ఎంతటి కరడుగట్టిన శాడిస్టు నేరగాళ్లకైనా ఇతనంటే హడల్. బ్లేడులతో కోయడం, మర్మాంగాలపై సూదులతో పొడవడం, కాళ్లు-చేతుల ఎముకలు విరిచేయడం వంటి కిరాతకాలకు పాల్పడగలడు. ప్రస్తుతం శేషన్న కోసం మహబూబ్నగర్, నల్లగొండ జిల్లాల పోలీసులు జల్లెడపడుతున్నారు. పాలమూరు వాసి శేషన్న మహబూబ్నగర్ జిల్లాకు చెందిన శేషన్న.. పీపుల్స్వార్ పార్టీ కార్యకలాపాలు బలంగా ఉన్న రోజుల్లో అందులో పనిచేశాడు. పార్టీ పద్ధతులు, కఠినమైన క్రమశిక్షణ భరించలేక కొద్దికాలానికే బయటకొచ్చాడు. ఆ తర్వాత నయీం పంచన చేరాడు. నల్లగొండ, మహబూబ్నగర్ జిల్లాల్లో ఎమ్మెల్యేల నుంచి సామాన్యుడి వరకు ఇతని మాట వినాల్సిందే. తమ హక్కులకు భంగం వాటిల్లిందని ఎవరైనా రోడ్డెక్కితే చంపేస్తాడు. హక్కులు కావాలన్నా...‘ఆత్మ’ను వేడుకోవాల్సిందే. నల్లమల అటవీ ప్రాంతంలో ఇతనే సర్వాధికారి. మన్ననూరు, అచ్చంపేట, కల్వకుర్తి,షాద్నగర్, శంషాబాద్ వరకు ఇతని రాజ్యమే. అందుకే పెద్దపెద్ద సెటిల్మెంట్లకు నయీం ప్రత్యేకించి శేషన్ననే ఎంచుకుంటాడని పోలీసువర్గాల ద్వారా తెలిసింది. మహబూబ్నగర్ జిల్లాల్లో ముగ్గురు ప్రజాసంఘాల నేతల హత్యల్లో శేషన్న సూత్రధారిగా ఉన్నాడు.. 2007లో తమ చేతికి చిక్కిన ఓ మావోయిస్టు నేతను పోలీసు బలగాలు శేషన్నకు అప్పగించాయని తెలిసింది. ఆ మావోయిస్టు మోకాలి చిప్పలను తొలగించి.. తర్వాత నల్లమలలోనే ఖతం చేశారని చెబుతున్నారు. ఇక తనకెదురొచ్చేవారిని మాయం చేయడంలో శేషన్న దిట్ట అని పోలీసువర్గాలే చెబుతున్నాయి. మన్ననూర్లో మావోయిస్టు సానుభూతిపరులుగా ఉన్న ముగ్గురిని 2010లో మాయం చేశాడని ఫిర్యాదులున్నాయి. పోలీసు కస్టడీలో ఉండగానే బయటకొచ్చి బెదిరింపులు, దందాగిరి చేయడంలో ఇతను సిద్ధహస్తుడని చెబుతుంటారు. పోలీసు కస్టడీలో ఉండగా 2015లో బయటకొచ్చి తెలంగాణ ఉద్యమ నేత, ఓ ప్రభుత్వ ఉపాధ్యాయుడిని కల్వకుర్తి సమీపంలోని ఓ దాభా వద్దకు పిలిపించి బెదిరించాడు. ఇక ఇతని వసూళ్లు, సెటిల్మెంట్ మూకుమ్మడి పద్ధతిలో ఉంటాయి. ఎంతటివారైనా ముడుపు కట్టాల్సిందే. లేదంటే దాభాలో మీటింగ్ పెడతాడని చెబుతుంటారు. కల్వకుర్తి సమీపంలోని ఓ ధాబాలో ఇటీవల వైన్షా్పలు, బార్ యజమానులు, సిమెంట్, స్టీల్, ఫెర్టిలైజర్స్ వారి సమావేశం ఏర్పాటు చేసి టార్గెట్ పెట్టాడని పోలీసులద్వారా తెలిసింది. ఇదే చోట పాత్రికేయుల సమావేశం నిర్వహించాడని సమాచారం. ఆ డివిజన్లోని కొందరు ఖాకీలపాలిట ఇతను పెద్దన్న. వ్యక్తిగత అవసరాలు తీర్చడంతోపాటు వారితో పనులు చేయించుకోవడంలోనూ సిద్ధహస్తుడని చెబుతున్నారు. నయీం దందాల పర్యవేక్షకుడు ఎవరినైనా మట్టుబెట్టాలని నయీం ప్లాన్ వేస్తే.. దానికి అవసరమైన ఏర్పాట్లు శేషన్న చేస్తాడని సమాచారం. అంటే... ఆయుధాలు, బాంబులు, ఇతర సామాగ్రి, యాక్షన్కు అవసరమైన మనుషులను శేషన్నే సమకూరుస్తాడని చెబుతున్నారు. సంఘటన తర్వాత దానికి బాధ్యులుగా ఎవరు లొంగిపోవాలో కూడా శేషన్నే ముందుగా నిర్ణయిస్తాడని సమాచారం. నయీమ్ దుండగాలలో 95 శాతం శేషన్నే పూర్తిచేస్తాడు. ఇక ఆయుధాలు, డబ్బు, ఇతర సామగ్రి నిర్వహణ బాధ్యత కూడా ఇతని నియంత్రణలో ఉంటుందని చెబుతున్నారు. నయీంను ఎవరు కలిసినా వీడియో, ఫొటోలు తీస్తారు. అతనివద్ద వందలకొద్దీ ఫొటో ఆల్బమ్స్, వీడియో టేపులు, సీడీలు ఉన్నాయని నయీం అనుచరుల ద్వారా తెలిసింది. వాటిని పరిశీలిస్తే అన్నీ బయటకొస్తాయని చెబుతున్నారు. |