Blazewada
Celebrity Bewarse Username: Blazewada
Post Number: 27131 Registered: 08-2008 Posted From: 119.56.123.144
Rating: N/A Votes: 0 | Posted on Thursday, June 02, 2016 - 12:03 am: | |
నేటి నుంచి పీపుల్స్ప్లాజాలో ఫుడ్ఫెస్టివల్ 02-06-2016 07:22:01 హైదరాబాద్ : నెక్లెస్రోడ్ పీపుల్స్ప్లాజాలో నోరూరించే తెలంగాణ వంటకాలతో ఏర్పాటు చేసిన ఫుడ్ ఫెస్టివల్ భోజన ప్రియులను ఆకట్టుకోనుంది. తెలంగాణ స్టేట్ హోటల్స్ అసోసియేషన్ ఆధ్వర్యంలో 25 స్టాళ్ల ద్వారా 50 రకాల తెలంగాణ వంటకాలను సిద్ధం చేస్తున్నట్లు అసోసియేషన్ అధ్యక్షుడు సద్ది వెంకట్రెడ్డి తెలిపారు. రోజూ సాయంత్రం 6 నుంచి రాత్రి 12 గంటల వరకు ఈ స్టాళ్లు అందుబాటులో ఉంటాయన్నారు. 2 నుంచి 5 వరకు ఫుడ్ ఫెస్టివల్ టూరిజం శాఖ ఆధ్వర్యంలో నిర్వహించనున్నట్లు తెలిపారు. ఈ ఫెస్టివల్లో లభించనున్న తెలంగాణ రుచులు కింది విధంగా ఉన్నాయి. జొన్నరొట్టెలతో పా టు నాటుకోడి, తలకాయ కూర, రాగిరొట్టెలు - పాయ షోర్వా, చాపల పులుసు, జొన్నరొట్టె - గుత్తివంకాయ, కారం తొక్కులు, జొన్నగట్కా - నాటుకోడి పులుసు, మామిడికాయ పచ్చడి, బోటికూర, పరమాన్నం - పాయసం, నెయ్యి, భగారా రైస్ - యాటకూర, బోటిచెనగ ఫ్రై, హైదరాబాద్ దమ్కా బిర్యానీ, పత్తర్ కాగోష్, హలీమ్ - పాయా షోర్వా, హైదరాబాద్ కబాబ్స్, సద్ది అన్నం, పచ్చళ్లు, కుడుములు, గుడాలు, ఉల్వకట్టు, అంబలి, తెలంగాణ పిండి వంటకాలు, సకినాలు, పట్టెగారాలు, చెకోడిలు, మురుకులు, పల్లె ముద్దలు, నువ్వుల ముద్దలు, గరిజలు, పేలాల ముద్దలు, సత్తి ముద్దలు, లడ్డూలు, అరిసెలు, కార, మిర్చి బజ్జీలు, గారెలు, కురుబానికామీఠా, డబుల్కామీఠా, కొర్ర పాయసంతో పాటు అన్ని రకాల తెలంగాణ చిరుతిళ్లు ఇందులో లభిస్తాయని వెంకట్రెడ్డితో పాటు గ్రేటర్ హైదరాబాద్ హోటల్స్ అసోసియేషన్ ప్రతినిధి కె.అశోక్రెడ్డి తెలిపారు. जिसको ढूंढे बाहर बाहर - वो बैठा है भीतर छुप के
|