Superman
Kurra Bewarse Username: Superman
Post Number: 1648 Registered: 10-2005 Posted From: 73.185.138.54
Rating: N/A Votes: 0 | Posted on Tuesday, February 23, 2016 - 10:52 pm: | |
కడప జిల్లాపై ప్రత్యేక దృష్టితో వున్న లోకేష్ రాజకీయంగా బలాన్ని పెంచుకునే దిశగా ఇలాంటి పలురకాల చర్యలపై దృష్టి పెట్టినట్లు సమాచారం. మరికొందరు కాంగ్రెస్, వైసీపీకి చెందిన నాయకులు, కార్యకర్తలను కూడా టీడీపీలో చేర్చుకునేందుకు ప్రయత్నాలు చేస్తున్నట్లు సమాచారం. లోకేష్ పర్యటన సందర్భంగా కడప డిప్యూటీ మేయర్ ఆరీఫుల్లాతో పాటు మరో నలుగురు కార్పొరేటర్లు పార్టీలో చేరేందుకు రంగం సిద్ధమైంది. ఇలాంటి సమీకరణలు మున్ముందు పెద్దఎత్తున సాగే అవకాశాలున్నాయి. ఇలాంటి చేరికలతో పాటు పార్టీలో వున్న నేతలు కూడా చురుగ్గా పనిచేసేందుకు పార్టీలో లోటుపాట్లు, అసంతృప్తులు, విబేధాలు పరిష్కరించి కాయకల్ప చికిత్స చేసేందుకు కూడా ఆయన రెండు రోజుల పాటు ప్రాధాన్యం ఇవ్వనున్నట్లు తెలుస్తోంది. జిల్లాలో ఒకటి, రెండు చోట్ల తప్ప దాదాపు అన్ని నియోజకవర్గాలలో కూడా నేతల మధ్య విభేదాలు, అనైక్యతలు కొనసాగుతున్నాయి. ఈ నేపథ్యంలో నియోజకవర్గాల వారీగా పరిస్థితిని సమీక్షించి అలాంటి వాటిని అధిగమించే విధంగా దిశానిర్దేశం చేసే అవకాశాలు వున్నాయి. బద్వేల్ నియోజకవర్గంలో ఇన్ ఛార్జి సమస్య వివాదాస్పదంగానే మారింది. ఈ నియోజకవర్గంలో ఇనఛార్జి సమస్యను లోకేష్ పర్యటనలో పరిష్కరించే అవకాశాలుకనిపిస్తున్నాయి. |